آئرلینڈ: پرواز کو حادثہ، ڈبلن ایئرپورٹ کا ایک رن وے بند
Share
ڈبلن: یورپی ملک آئرلینڈ کے ڈبلن ایئرپورٹ پر غیر متوازن لینڈنگ کے دوران ریان ایئر کی پرواز حادثے کا شکار ہوگئی تاہم کسی جانی نقصان کی اطلاع نہیں ملی۔میڈیارپورٹس کے مطابق ایمرجنسی کی وجہ سے ڈبلن ایئرپورٹ کا جنوبی رن وے بند ہے تاہم شمالی رن وے استعمال میں ہے۔
ایوی ایشن ذرائع کے مطابق ریان ایئر کی پرواز ایف آر 5542 انگلینڈ کے لیورپول جان لینن ایئرپورٹ آئرلینڈ پہنچی تھی، جو ڈبلن انٹرنیشنل ایئرپورٹ کے رن وے نمبر 28 پر لینڈنگ کے دوران غیر متوازن ہوئی اور رن وے سے ٹکرانے سے بوئنگ 737 طیارہ کا اگلا گیئر بری طرح نقصان کا شکار ہوا۔
نوز گیئر کا ٹائر پھٹ گیا تاہم طیارہ کسی بڑے حادثے سے بال بال بچ گیا۔ایئرپورٹ انتظامیہ کے مطابق واقعہ میں کسی مسافر یا عملے کے رکن کے زخمی ہونے کی کوئی اطلاع نہیں ہے۔ٹوئٹر پر جاری ایئرپورٹ انتظامیہ کے بیان کے مطابق اس واقعے میں ایک مسافر کی صدمے سے حالت خراب ہوئی تاہم ہنگامی صورتحال کے بعد پہنچنے والے نیشنل ایمبولینس سروس کے اہلکاروں نے مسافروں کی جانچ پڑتال کی۔