آئین کی بالادستی ، آخری 5 اوورز کا میچ شروع :شیخ رشید

لاہور: سربراہ عوامی مسلم لیگ رشید احمد نے کہا ہے کہ آئین اور قانون کی بالادستی کے آخری پانچ اورز کا میچ آج سے شروع ہو رہا ہے،شہبازشریف اور کابینہ توہین عدالت کے ریڈار میں آسکتے ہیں۔ ٹوئٹر پر اپنی ٹویٹ میں شیخ رشید نے کہا کہ عدالتی حکم عدولی ہو چکی ہے اور نافرمانی اور توہین عدالت کا عندیہ دے دیا گیا ہے۔

جس کے ریڈار میں شہبازشریف اور کابینہ آسکتے ہیں ،جسٹس اعجاز افضل نے والیم 10کے ٹکر چلا دیئے ہیں، اور والیم 10کی گلی کوچے میں لوٹ سیل لگنے والی ہے،سپریم کورٹ نے ان کی 8رکنی لارجر بینچ کی خواہش بھی پوری کردی ہے۔

نااہل لوگ قانون سازی کر رہے ہیں، 12روز سے کابینہ ہر روز ایسے بیٹھ رہی ہے جیسے داتا دربار میں نیاز بانٹی جارہی ہے، ان کے پاس سوائے الیکشن کے ہر کام کے لیے پیسے ہیں، غریب کے پاس کفن دفن کے پیسے نہیں اور وزیراعظم نے 10 توڑے آٹے کی دکان کھول رکھی ہے ، نواز شریف پاکستان نہیں آئیں گے اور لندن واپس جائیں گے کیونکہ شہباز شریف ان کی خواہشیں پوری نہیں کرسکے۔