آرمی چیف کے دورہ امریکہ سے متعلق قیاس آرائیاں بے بنیاد: ترجمان فوج

راولپنڈی: ترجمان پاک فوج نے کہا ہے کہ آرمی چیف جنرل سید عاصم منیر کے دورہ امریکہ سے متعلق قیاس آرائیاں بے بنیاد ہیں۔

پاک فوج کے شعبہ تعلقات عامہ(آئی ایس پی آر) کے مطابق آرمی چیف جنرل عاصم منیرآج 10فروری تک دورہ برطانیہ پر ہیں۔آرمی چیف5ویں پاک برطانیہ استحکام کانفرنس میں شریک ہیں۔

سوشل میڈیا پر آرمی چیف کے دورہ امریکہ سے متعلق بے بنیاد قیاس آرائیاں کی جا رہی ہیں۔

واضح طور پر کہا گیا ہے کہ آرمی چیف 5ویں پاکستان برطانیہ استحکام کانفرنس کے سلسلہ میں 5 سے 10 فروری تک برطانیہ کے سرکاری دورے پر ہیں۔

پاک برطانیہ استحکام کانفرنس دونوں ممالک کے درمیان فوجی تعاون سے متعلق تقریب ہے۔

پاکستان کی اعلیٰ عسکری قیادت 2016 ءسے اس تقریب میں شرکت کرتی آ رہی ہے۔