اٹلی: تارکین وطن کی کشتی کو حادثہ ، دو افراد ہلاک، 20 لاپتہ
Share
روم : تیونس اور اٹلی کےدرمیان سمندر میں تارکین وطن کی کشتی ڈوبنے سے 2 افراد ہلاک اور 20 لاپتہ ہوگئے۔ غیر ملکی خبر رساں ادارے کے مطابق تیونس سے نکلنے والی کشتی میں تقریباً 40 تارکین وطن سوار تھے۔
جو تیونسیا اور اٹلی کے درمیان پانیوں میں ڈوب گئی ۔ جسکے نتیجے میں ہلک ہونے والے دو افراد کی لاشیں نکالی گئی ہیں ۔ اور 9کو زندہ بچا لیا گیا ہے ۔ جبکہ دیگر افراد کی تلاش جاری ہے ۔ میڈیا رپورٹ کے مطابق کشتی میں خواتین اور بچے بھی سوار تھے، ان تارکین وطن کا تعلق افریقی ممالک سے ہے۔
ریسکیو اہلکاروں نے کہا کہ انہوں نے زیادہ سے زیادہ لوگوں کو بچانے کی ہر ممکن کوشش کی لیکن وہ اس میں کامیاب نہیں ہوسکے۔دوسری جانب اطالوی خبر رساں ایجنسی کا کہنا ہے کہ زندہ بچ جانے والوں میں 9 خواتین بھی شامل ہیں۔