اٹلی: کشتی کو حادثہ،28 پاکستانیوں سمیت43 تارکین وطن جاں بحق

روم: اٹلی میں تارکین وطن کی کشتی کو حادثہ میں 28 پاکستانیوں سمیت 43 تارکین جاں بحق ہوگئے۔ پاکستان، افغانستان اور ایران سے مہاجرین کو لانے والی کشتی چٹانوں سے ٹکرانے کے بعد تباہ ہوئی ،30لاشیں ساحل سے برآمد کرلی گئی ہیں ۔

جاں بحق افراد کی تعداد زیادہ ہونے کا خدشہ ہے۔ مختلف ممالک سے مہاجرین کو لانے والی کشتی اٹلی میں سخت سمندری موسم کے بعد چٹانوں سے ٹکرانے کے نتیجے میں کم از کم 33 مسافر جاں بحق ہوگئے۔

جبکہ مزید لاپتہ ہیں۔پاکستان، افغانستان اور ایران سے مہاجرین کو لانے والی بحری کشتی سخت سمندری موسم کی وجہ سے چٹانوں سے ٹکرانے کے بعد تباہ ہوگئی ۔

اٹلی کے صوبے کروٹون کے ساحل پر 30 افراد کی لاشیں پائی گئی ہیں ۔ 10 لاشیں پانی میں تیرتی پائی گئیں۔ممکنہ طور پر اس میں اضافہ ہوگا۔ا

ٹلی کے محکمہ فائر فائٹر نے ٹیلی گرام پر اپنے بیان میں لکھا کہ جاں بحق ہونے والوں میں متعدد افراد مہاجرین ہیں ۔ ایک کمزور کشتی پر 180 افراد سوار تھے ۔ 40 مسافر زندہ بچ گئے ہیں، تارکین وطن کا جہاز ساحل سے ٹکرا گیا تھا۔

رپورٹ میں بتایا گیا جہاز میں سو سے زائد مسافر سوار تھے ۔جاں بحق ہونے والوں میں ایک شیرخوار بچی اور متعدد بچے شامل تھے۔

سمندری راستے سے یورپ میں داخل ہونے کی کوشش کرنے والے تارکین وطن کے لیے اٹلی ایک اہم لینڈنگ پوائنٹ ہے جہاں وسطی بحیرہ روم کے راستے کو دنیا کے خطرناک ترین راستوں میں شمار کیا جاتا ہے۔

تارکین وطن کی بین الاقوامی تنظیم مسنگ مائگرینٹ پراجیکٹ کے مطابق 2014 سے اب تک وسطی بحیرہ روم میں کم از کم 20 ہزار 333 افراد جاں بحق اور لاپتہ ہوچکے ہیں۔ پاکستانیوں کا تعلق گجرات ،کھاریاں،منڈی بہائوالدین سے بتایاجارہا ہے۔ پاکستان میں والدین اپنے بیٹوں کی لاشوں کے منتظر ہیں۔