توہین عدالت سے ڈرایاجاتا لیکن اب ڈر نہیں لگتا:مراد علی شاہ

کراچی: وزیر اعلیٰ سندھ مراد علی شاہ نے کہاہے توہین عدالت سے ڈرایا جاتا ہے لیکن اب توہین عدالت سے ڈر نہیں لگتا۔

پیپلزپارٹی کراچی ڈویژن کے تحت 1973 کے آئین کی گولڈن جوبلی کے حوالے سے سندھ اسمبلی میں تقریب سے خطاب کرتے ہوئےان کاکہناتھا آئین کا دفاع ارکان اسمبلی، کابینہ ارکان اور عدلیہ کا کام ہے، ان 3 کے سوا سب کا کام آئین پر عمل کرنا ہے۔

آئین کے تحت پارلیمنٹ سپریم ہے، قانون کے تحت وزیراعظم، وزرائے اعلیٰ، وزرا پردوران ڈیوٹی کوئی کیس نہیں بنایا جا سکتا لیکن آج مجھ سمیت سندھ کابینہ کے تقریباً سب وزراء پر کیسز ہیں۔

ایگزیکٹیو کی حیثیت سے مجھے کمزورکر دیا گیا ہے، ہمیں خود کو مضبوط بنانا چاہیے تاکہ ڈیلیور کر سکیں، ضرورت اس بات کی ہےکہ 1973کا آئین اصل حالت میں بحال کیا جائے۔