جمہوریت کا جنازہ نکلا تو ذمہ دار پی ڈی ایم: شیخ رشید
Share
راولپنڈی: سربراہ عوامی مسلم لیگ شیخ رشید نے کہا ہے کہ مذاکرات سے کچھ حاصل ہونا تھا نہ کچھ حاصل ہوا ہے، اصل مسئلہ ہی الیکشن کی تاریخ طے کرنا ہے، باقی سب بہانے ہیں، اس بار اگر جمہوریت کا جنازہ نکلا تو پی ڈی ایم اس سازش کی ذمہ دار ہوگی۔
ٹوئٹر پر اپنے پیغام میں سابق وزیر داخلہ نے کہا کہ پارلیمنٹ میں انتشار، خلفشار اور عدلیہ کے خلاف بھونچال تھا، عدلیہ کے بارے میں بازاری زبان استعمال کی گئی، عدلیہ سے لڑنا (ن) لیگ کا وطیرہ رہا ہے ، عدلیہ کب تک صبر سے کام چلائے گی۔
عدلیہ کی بے حرمتی سپریم کورٹ کے دروازے تک پہنچ گئی ہے، جو ججوں سے حساب مانگ رہے ہیں وہ انتخاب خاک کر ائیں گے، قوم بلی چڑھ جائے چور بلی نہیں چڑھنے چاہئیں ،متروکہ وقف املاک بورڈ کے چیئرمین نے لال حویلی پر غیر قانونی فیصلے کا دبائو لینے کے بجائے استعفیٰ دینے کو ترجیح دی۔
حکمران ججوں کے گرد گھیرا تنگ کر رہے ہیں، پارلیمنٹ ہر روز آئین کو پامال اور عدلیہ کی تذلیل کر رہی ہے، عدلیہ دیوار چین ثابت ہوگی، عدلیہ سے ٹکرانے والے رسوا ہونگے ۔