حکومت کو الیکشن کمیشن کو فنڈز دینا ہی پڑینگے:پرویز الٰہی

لاہور: تحریک انصاف کے صدر چودھر ی پرویز الٰہی نے کہا ہے کہ حکومت پارلیمنٹ کا اجلاس بلائے یا کابینہ کی میٹنگیں، الیکشن کمیشن کو فنڈز تو دینا ہی پڑیں گے۔صدر پی ٹی آئی پرویز الٰہی سے لاہور میں سابق ایم پی اےفاروق امان اﷲ دریشک، در محمد دریشک اور علی امان اﷲ دریشک نے ملاقات کی۔

پرویزالٰہی نے کہا کہ شہباز شریف نے چیف جسٹس کے خلاف بولنے کے لیے ذاتی ملازمین آگے لگا رکھے ہیں، وزیرخزانہ اور وزیر د اخلہ کے 90 روز میں انتخابات نہ ہوسکنے کے بیانات سپریم کورٹ کے فیصلے کی نفی ہیں۔انہوں نے مزید کہاکہ حکومت پارلیمنٹ کا اجلاس بلائے یا کابینہ کی میٹنگیں، الیکشن کمیشن کو فنڈز تو دینا ہی پڑیں گے۔

پی ٹی آئی صدر کا کہنا تھا کہ صدر علوی کا بل پر دستخط سے انکار ملکی آئین کے مطابق ہے، آئین سے انکار نہیں، صدر نے عدلیہ کے خلاف غیر آئینی بل واپس بھجوا کر آئینی فرض پورا کردیا جب کہ صدر کو پی ٹی آئی کا طعنہ دینے والے شہباز شریف خود ایک مفرور مجرم سے ہدایات لے رہے ہیں۔