کراچی،لاہور: پاکستان مسلم لیگ کے مرکزی صدر و سابق وزیراعظم چوہدری شجاعت حسین نے کہا ہے تمام جماعتیں افہام و تفہیم کی سیاست کریں،دنگا فساد سے کبھی مسئلے حل نہیں ہوتے شورش کی سیاست کرنیوالے ملک کے خیرخوا نہیں،انتخابات ضرور ہونگے اس میں حصہ لینا ہرجماعت کا حق ہے۔
ان خیالات کا اظہارانہوں نے اپنی رہائشں گاہ پر پاکستان مسلم لیگ کے مرکزی نائب صدرسینیٹرسابق صوبائی وزیربوستان علی ہوتی مرحوم کی صاحبزادی بسمہ ہوتی انکے صاحبزادہ محمد میرعلی ہوتی کی مسلم لیگ میں شمولیت کے موقع پرکیا،اس موقع پرمسلم لیگ سندھ کے صدرمحمد طارق حسن،جنرل سیکریٹری کنورارشد علی خان،صوبائی سیکریٹری اطلاعات محمد صادق شیخ، کراچی کے صدرمحمد جمیل احمد خان،بزنسں فورم کے صدر سید سفیرشاہ بھی موجود تھے۔
چوہدری شجاعت حسین نے کہا کہ پاکستان مسلم لیگ ہرسطح پرمنظم و فعال ہورہی ہے،مرحوم بوستان علی ہوتی پیدائشی مسلم لیگی تھے انکا صعوبتوں کے دوران چوہدری ظہورالہی سے کراچی جیل میں ملاقات معمول تھی،وہ نڈر،بے باک اور با اصول رہنما تھے اب انکی صاحبزادی بسمہ ہوتی و صاحبزادے کی مسلم لیگ میں شمولیت خوش آئند و قابل فخرہے۔