سعودی عرب اور ایران کے وزرائے خارجہ کے درمیان 2روز میں ملاقات متوقع
Share
ریاض ،تہران: یرانی وزیر خارجہ حسین امیر نے کہا ہے کہ وہ دو دن کے اندر سعودی عرب کے وزیر خارجہ شہزادہ فیصل بن فرحان سے مشاورت کریں گے۔ایرانی میڈیا کے مطابق حسین امیر نے کہا کہ ہم سعودی وزیر خارجہ کے ساتھ ملاقات کی تاریخ اور جگہ کو حتمی شکل دے رہے ہیں۔
سعودی ولی عہدمحمد بن سلمان اور مصری صدرالسیسی نے تعاون بڑھانے پر تبادلہ خیال کیا ،سعودیہ میں25ہزار امام ، موذنوں کی تقرری مکمل ہوگئی،سعودی ولی عہد نے 2030 میں سیاحتی دوروں کا ہدف 100 ملین مقرر کیا ہے،الدرعیہ کے گورنراورشاہی کمیشن برائے الریاض کے سربراہ عہدوں سے برطرف شاہی فرمان کے تحت پروفیسر فہد بن عبدالمحسن بن صالح الرشید کو وزارتی کونسل کے جنرل سیکرٹریٹ میں بہترین عہدے پر مشیرمقررکردیاگیا۔
تفصیلات کے مطابق سعودی ولی عہد اور وزیراعظم شہزادہ محمد بن سلمان بن عبدالعزیز آل سعود نے جدہ میں سحری کے دستر خوان پر مصر کے صدر عبدالفتاح السیسی سے ملاقات کی۔ولی عہد نے مصری صدر کی سعودی عرب آمد پر ان کا خیرمقدم کیا۔ شہزادہ محمد بن سلمان نے جدہ ایئرپورٹ پر عبد الفتاح السیسی کااستقبال کیا۔ اس دوران مصری صدر نے ولی عہد کی جانب سے مہمان نوازی پر ان کا شکریہ ادا کیا۔
محمد بن سلمان اور السیسی نے دونوں برادر ممالک کے درمیان قریبی اور تاریخی دوطرفہ تعلقات، مشترکہ تعاون کے امکانات اور مختلف شعبوں میں تعاون کو بڑھانے اور ترقی دینے کے طریقوں کا جائزہ لیا۔علاقائی اور بین الاقوامی صورتحال میں ہونے والی پیش رفت اور اس کے لیے کی جانے والی کوششوں پر گفت و شنید کی گئی۔ مشترکہ تشویش کے تمام مسائل پر بھی بات چیت کی۔
ملاقات میں سعودی وزیر مملکت، وزرا کونسل کے رکن اور قومی سلامتی کے مشیر ڈاکٹر موسی بن محمد العیبان اور سعودی وزیر مملکت، وزرا کونسل کے رکن ڈاکٹر عصام بن سعد بن سعید نے بھی شرکت کی۔ مصر کی جانب سے انٹیلی جنس سروس کے سربراہ میجر جنرل عباس کامل بھی موجود تھے۔