سعودی نائب وزیر داخلہ 12 مارچ کو پاکستان آئینگے: وفاقی وزیر داخلہ رانا ثناء اللہ

فیصل آباد : وفاقی وزیر داخلہ رانا ثناء اللہ خاں نے کہا ہے کہ سعودی عرب کے نائب وزیر داخلہ 12 مارچ کو پاکستان کا سرکاری دورہ کریں گے، جس میں باہمی دلچسپی کے امور کے علاوہ پاکستانی عازمین حج کی سہولت کے لئے لاہور اوردیگر ہوائی اڈوں کو سعودی عرب کے انقلابی پروگرام ’’روڈ ٹو مکہ پراجیکٹ ‘‘میں شامل کرنے پر حتمی فیصلہ ہو گا۔

فیصل آباد چیمبر آف کامرس اینڈ انڈسٹری کی خلیج کے ساتھ بین الاقوامی تعاون کی کمیٹی کے سربراہ حافظ شفیق کاشف سے ان کی اہلیہ کے انتقال پر تعزیت و فاتحہ خوانی کی کے بعد گفتگو کرتے ہوئے راناثنانے کہا کہ روڈ ٹو مکہ پراجیکٹ میں شمولیت کے تحت پاکستانی عازمین حج کی امیگریشن پاکستانی ہوائی اڈوں پر ہی سعودی عملہ کرے گا۔

سیلف بائیو میٹرک، کرونا وائرس سے قبل حج 2019ء کے کوٹہ کی مکمّل بحالی اور دیگر سہولیات بھی میسر آئیں گی۔اس موقع پرحافظ شفیق کاشف نے مطالبہ کیا کہ دونوں ممالک عازمین حج کو اضافی مالی بوجھ سے بچانے کیلئے ٹیکس فری کریں۔