سپریم کورٹ کے بغیر ریاست کا کوئی تصور نہیں : پرویز الہٰی
Share
لاہور: مرکزی صدر پاکستان تحریک انصاف چودھری پرویزالٰہی اور سابق وفاقی وزیر چودھری وجاہت حسین سے پی ٹی آئی سنٹرل پنجاب کے سابق صدر عمر ڈار، ذوالفقار گھمن اور آصف چٹھہ ایڈووکیٹ نے ملاقات کی۔
اس موقع پر گفتگو کرتے ہوئے پرویزالٰہی نے کہا کہ شہباز شریف کابینہ نے ہٹ دھرمی اختیار کر رکھی ہے کہ ہم سپریم کورٹ کے فیصلوں کو نہیں مانتے، سپریم کورٹ کے آٹھ رکنی بینچ میں تمام قابل جج موجود ہیں، عدالتی بل کے خلاف سماعت سے قبل ہی شہباز کابینہ کا بینچ کو مسترد کر دینا غیر جمہوری و غیر آئینی عمل ہے۔
پاکستان کی تمام وکلاء بار کونسلز اور عوام سپریم کورٹ کے ساتھ کھڑے ہیں، سپریم کورٹ کے بغیر حکومت اور ریاست کا کوئی تصور نہیں، سپریم کورٹ کو مائنس کر کے کوئی حکومت اپنا وجود برقرار نہیں رکھ سکتی۔
سپریم کورٹ کے حکم پر عملدرآمد ہر صورت میں ہونا ہے، حکومت کو غلط فہمی ہے کہ سپریم کورٹ کے حکم پرعملدرآمد روک سکتی ہے ، آئین اور قانون میں الیکشن فنڈز روکنے کا کوئی تصور موجود نہیں۔ قومی خزانے میں پیسہ عوام کا ہے شہبازشریف الیکشن فنڈز روکنے والے کون ہوتے ہیں ، آئی ایم ایف کی تازہ رپورٹ نے اسحاق ڈار کے جھوٹے دعوئوں کا پول کھول دیا ہے ۔