سی پیک کیخلاف فارن فنڈڈ فتنے کی سازش ناکام : مریم نواز
Share
لاہور: مسلم لیگ (ن) کی سینئر نائب صدر اور چیف آرگنائزر مریم نواز نے کہا ہےسی پیک کے خلاف فارن فنڈڈ فتنے کی سازش ناکام بنادی ۔اپنے بیان میں مریم نوازنے کہا چین اور پاکستان کی قیادت اور عوام کو مبارک ہو،تین سال بعد چین پاکستان تجارت اور آمد و رفت پھر بحال ہو گئی ،2020 میں بندش کے بعد اب 2023 میں خنجراب پاس کا دوبارہ کھلنا بڑی خوشی کی خبر ہے\
نومبر 2016 سے سی پیک فریم ورک کے تحت یہ ارینجمنٹ بہترین جا رہا تھا ، نومبر2019 میں بند ہوگیا تھا ،خنجراب پاس کے دوبارہ کھلنے سے دونوں طرف کے عوام کی مشکلات ختم کرنے میں مدد ملے گی ،نوازشریف سی پیک کے معمار ہیں، چین کی مددسے سی پیک کے ذریعے پاکستان کی ترقی کا عظیم منصوبہ شروع کیا تھا ،مسلم لیگ(ن) دور کی رفتار سے سی پیک اور پاک چین تجارت جاری رہتی تو آج عوام بدحال نہ ہوتے ،چین پاکستان تعلقات قومی سلامتی کی سْرخ لکیر ہے\
فارن فنڈڈ ایجنٹ نے سی پیک اور چین کے تعاون سے پاکستان میں چلنے والے منصوبوں میں کرپشن کے بے بنیاد الزامات لگائے تھے ۔ دریں اثناء مریم نواز سے برطانوی ہائی کمشنر نے جاتی عمرہ میں ملاقات کی ۔
اس موقع پر دو طرفہ تعلقات اور باہمی دلچسپی کے امور پر تبادلہ خیال کیا گیا۔ مریم نواز کل راولپنڈی میں وکلاء کنونشن سے خطاب کریں گی۔ مریم نوازمقامی لیگی رہنمائوں اور کارکنوں سے سیاسی صورتحال و دیگر امور کے حوالے سے بھی ملاقات کریں گی ۔مریم نواز راولپنڈی میں مقامی سوشل میڈیا سیل، یوتھ اور خواتین ونگ سمیت ذیلی تنظیموں کو متحرک کرنے کے حوالے سے جائزہ اجلاس کی صدارت بھی کریں گی۔