عمران خان جن سے ملنا چاہتے وہ ملنا نہیں چاہتے،رانا ثنا

اسلام آباد: وفاقی وزیر داخلہ رانا ثناء اﷲ نے کہا ہے کہ عمران خان سیاستدانوں سے نہیں کسی اور سے ملنا چاہتے ہیں۔

ایک بیان میں انہوں نے کہاعمران خان آمادہ ہوں تو ان سے بات ہوسکتی ہے لیکن عمران خان جن سے ملنا چاہتے ہیں وہ عمران خان سے ملنا نہیں چاہتے۔

انہوں نے کہا عمران خان سے کوئی پوچھے کہ وہ ان سے کیوں ملنا چاہتے ہیں، اگر عمران خان ملنا ہی چاہتے ہیں تو انہیں یہ کہنا چاہیے کہ میں وزیراعظم شہباز شریف سے یا آصف زرداری سے ملنا چاہتا ہوں۔

رانا ثناء اﷲ نے کہا کہ صوبوں کے الگ الگ الیکشن ملک کو لے ڈوبیں گے، اس وقت مردم شماری جاری ہے، اگر 30 مارچ تک مردم شماری کا عمل مکمل ہوگیا اور نوٹیفائی ہوگیا تو اس کے بعد آئین کے مطابق الیکشن اگلے چار ماہ سے پہلے نہیں کرا سکتے۔