عمران نے کارکنوں کو پولیس کے سامنے لاکھڑا کیا:بلاول

واشنگٹن: وزیر خارجہ بلاول بھٹو زرداری نے کہا ہے کہ عمران خان نے خودکو بچانے کے لئے اپنے کارکنان کو پولیس کے سامنے لا کھڑا کیا، عمران خان نے باربارقانون کی خلاف ورزی کی جس پر انہیں جواب دینا ہوگا۔ امریکی میڈیا کو انٹرویو میں بلاول نے کہا عمران خان سمجھتے ہیں ان پر ملک کا کوئی قانون لاگو نہیں ہو تا، ان کو عدالتوں میں بلایا جاتا ہے وہ پیش نہیں ہوتے۔

وزیر خارجہ نے کہا میرے خاندان اور پارٹی نے ڈکٹیٹر شپ کا سامنا کیا۔ انہوں نے مزید کہا کہ پاکستان کو معاشی، سیاسی اور سکیورٹی سے متعلق چیلنجزدرپیش ہیں، پاکستان کو آگے بڑھانے کے لئے طویل مدتی منصوبہ بندی کرنا ہوگی،افغانستان اور خطےکی سکیورٹی سے متعلق اقدامات کرنےکی ضرورت ہے۔