عمران کی قبل از وقت الیکشن خواہش نے پاکستان کو آئینی بحران میں دھکیل دیا : امریکی جریدہ

نیویارک: امریکی جریدے بلوم برگ نے کہا ہے کہ عمران خان تیزی سے پاکستان کو بحران اور انتشار کی جانب دھکیل رہے ہیں۔ بحران کے نتیجے میں پاکستان میں جمہوری عمل کے مستقبل کے بارے میں تشویش بڑھ گئی ہے۔

اپنے ایک مضمون میں امریکی جریدے نے کہا کہ عمران خان نے قبل از وقت انتخابات کی خواہش میں پاکستان کو ایک آئینی بحران میں دھکیل دیا اور چیف جسٹس عمر عطا بندیال معاملے میں مرکزی کردار بن چکے ہیں۔مضمون میں کہا گیا کہ چیف جسٹس نے عمران خان کی جانب سے دو صوبوں کی اسمبلیاں تحلیل کرنے کے بعد ازخود نوٹس لے کر انتخابات کا حکم جاری کیا۔

وفاقی حکومت چیف جسٹس کی اس مداخلت کو قبول کرنے پر تیار نظر نہیں آ رہی۔جریدے کے مطابق چیف جسٹس اور وفاقی حکومت کے درمیان تصادم کی صورتحال پیدا ہو چکی ۔بلوم برگ کے آرٹیکل میں کہا گیا کہ عمران خان کی ناکام خارجہ پالیسی اور ملک کی ڈوبتی اقتصادی صورتحال نے تحریکِ عدم اعتماد کا راستہ دیا۔

حکومت کے مطابق اس وقت عمران خان کے پیدا کردہ حالات کی وجہ سے ڈیفالٹ کا خطرہ پیدا ہوا اور اس ڈیفالٹ سے بچنے، آئی ایم ایف پروگرام کی بحالی کی ضرورت ہے۔بلوم برگ کے مطابق پاکستان کی سپریم کورٹ میں تقسیم نظر آ رہی ہے۔ تشدد کی فضا قائم ہونے کا بھی خدشہ ہے۔ عمران خان ملٹری اسٹیبلشمنٹ اور امریکہ سے دوبارہ تعلقات استوار کرنے کی کوشش کر رہے ہیں۔