قومی ٹین پن باؤلنگ چیمپئن شپ میں روبرٹ شانگرا نے مینز سنگلز کا ٹائٹل اپنے نام کر لیا

اسلام آباد: قومی ٹین پن باؤلنگ چیمپئن شپ میں روبرٹ شانگرا نے مینز سنگلز کا ٹائٹل اپنے نام کر لیا۔  اس موقع پر پاکستان ٹین پن بائولنگ فیڈریشن کے صدر اعجاز الرحمان اور سیکرٹری جنرل محمد حسین چٹھہ کے علاوہ شائقین کی کثیر تعداد بھی موجود تھی۔ گزشتہ روز پاکستان ٹین پن بائولنگ فیڈریشن کے زیر لیزر سٹی باؤلنگ کلب جناح پارک راولپنڈی میں کھیلے گئے مینز سنگلز کے فائنل میں روبرٹ شانگرا نے کامیابی اور علی سوریا نے دوسری پوزیشن حاصل کی ہے جبکہ محمد فضل مولا اور سجاد شاہ بالترتیب تیسرے اور چوتھے نمبر پر ہے۔

اس سے قبل نور العین نے ڈیف خواتین کا ٹائٹل،معاذ بیگ نے ڈیف ایمچور اوپن اور آمنہ نے لیڈیز سنگلز کا ٹائٹل جیت لیا۔ خواتین ڈیف کیٹیگریز کے مقابلوں میں نور العین نے کامیابی حاصل کرلی ہے جبکہ فائزہ نور اور سعدیہ نے بالترتیب دوسری اور تیسری پوزیشن حاصل کی۔ ڈیف اوپن کے مقابلوں میں معاذ بیگ نے کامیابی حاصل کی۔ قاسم نے دوسری، عبدالرحمن نے دوسری اور شہزاد احمد نے چوتھی پوزیشن حاصل کی۔ اور اسی طرح لیڈیز سنگلز کا ٹائٹل آمنہ نے حاصل کیا۔

جبکہ مریم اور تنیہ نے بالترتیب دوسری اور تیسری پوزیشن حاصل کی۔ چیمپئن شپ میں مینز سنگلز، مینز ڈبلز، ٹیم ایونٹ، ایمچور، ڈیف (مینز اینڈ ویمنز ) اور میڈیا کیٹگریز کے مقابلے رکھے گئے ہیں۔ چیمپئن شپ 12 مارچ تک جاری رہے گی۔ چیمپئن شپ میں دس لاکھ روپے کی انعامی رقم رکھی گئی ہے۔ چیمپئن شپ کی اختتامی تقریب 12 مارچ کو ہوگی