مریم عمرہ ادائیگی کیلئے آج سعودی عرب جائیں گی، نوازشریف کل پہنچیں گے

لاہور: چیف آرگنائزر مسلم لیگ (ن) مریم نواز عمرہ کی ادائیگی کیلئے آج سعودی عرب روانہ ہوں گی۔مریم نواز دوپہر 2 بجےسعودی عرب روانہ ہوں گی، وہ آخری عشرہ سعودی عرب میں گزاریں گی۔قائد ن لیگ نوازشریف بھی آخری عشرہ سعودی عرب میں گزاریں گے، وہ کل لندن سے سعودی عرب کیلئے روانہ ہوں گے۔

ٹوئٹر پر مریم نواز نے ایک ویڈیو شیئر کی۔ویڈیو میں دیکھا جا سکتا ہےقوت گویائی سے محروم بچے مریم نواز سے ملاقات کے خواہشمند ہیں۔ ویڈیو کے کیپشن میں مریم نواز نے لکھا برائے مہربانی جب میں عمرہ سے واپس آؤں تو خاص نوجوانوں کو مجھ سے ملنے کیلئے لائیں، ان سے ملنا میرے لیے اعزاز اور خوشی کی بات ہو گی۔