ملکی آبی ذخائرمیں پانی کی آمدکم،اخراج زیادہ ریکارڈ
Share
اسلام آباد: واپڈا کی جانب سے دریاؤں اور آبی ذخائر میں پانی کی آمد و اخراج کےتازہ اعدادوشمار کے مطابق پیر کو دریائے سندھ میں تربیلاکے مقام پر پانی کی آمد 26 ہزار 500کیوسک اور اخرج 30 ہزارکیوسک ریکارڈکیاگیا۔دریائے کابل میں نوشہرہ کے مقام پر پانی کی آمد16 ہزار کیوسک اور اخراج 16ہزارکیوسک رہا۔
خیرآباد پل پر پانی کی آمد 27ہزار600کیوسک اوراخراج 27 ہزار600 کیوسک ریکارڈکیاگیا۔ دریائے جہلم میں منگلاکے مقام پر پانی کی آمد 28 ہزار 300کیوسک اور اخراج 38 ہزارکیوسک رہا جبکہ دریائے چناب میں مرالہ کے مقام پر پانی کی آمد 16 ہزار900 کیوسک اور اخراج 9 ہزار کیوسک ہے ۔
تربیلا ڈیم کا کم از کم آپریٹنگ لیول 1402 فٹ، ڈیم میں پانی کی موجودہ سطح 1434.62 فٹ، ڈیم میں پانی ذخیرہ کرنے کی انتہائی سطح 1550فٹ اور قابلِ استعمال پانی کا ذخیرہ 0.640 ملین ایکڑ فٹ ہے ۔ منگلا ڈیم کا کم از کم آپریٹنگ لیول 1050 فٹ، ڈیم میں پانی کی موجودہ سطح 1106.95 فٹ، ڈیم میں پانی ذخیرہ کرنے کی انتہائی سطح 1242فٹ اور قابلِ استعمال پانی کا ذخیرہ 0.507 ملین ایکڑ فٹ ہے ۔