وزیراعظم شہباز شریف کی جنگی طیارے ’ہرجیٹ ‘ کی کامیاب پرواز پر رجب طیب اردوان کو مبارکباد

اسلام آباد: وزیراعظم شہباز شریف نے ہلکے جنگی طیارے ہرجیٹ کی پہلی کامیاب پرواز پر ترکیہ کے صدر رجب طیب اردوان کو مبارکباد دیتے ہوئے کہا ہے بلاشبہ یہ ترکیہ اور ترکیہ کی دفاعی صنعتوں کیلئے بہت بڑی کامیابی ہے۔

رجب طیب اردوان کے ٹویٹ کے جواب میں شہباز شریف نے کہا میں اپنے بھائی صدر رجب طیب اردوان کو ہلکے جنگی طیارے ہرجیٹ کی کامیاب پہلی پرواز پر مبارکباد پیش کرتا ہوں ، بلاشبہ یہ ترکیہ اور ترکیہ کی دفاعی صنعتوں کیلئے ایک بہت بڑی کامیابی ہے، انہوں نے کہا وہ ٹی ایف۔ایکس پراجیکٹ میں برادر ترکیہ کی مزید کامیابی کے خواہاں ہیں۔