وزیرستان: فورسز نے خودکش حملہ آور ساتھی سمیت گرفتارکرلیا

ڈیرہ اسماعیل خان : شمالی وزیرستان میں سیکورٹی فورسز نے کارروائی کے دوران خودکش حملہ آور کو ساتھی اور 4 سہولت کاروں کو گرفتار کر لیا ،ذرائع کے مطابق شمالی وزیرستان میں سکیورٹی فورسز نے کارروائی کرتے ہوئے ایک خودکش حملہ آور کو ساتھی سمیت 4 سہولت کاروں کو گرفتار کر لیا۔

گرفتار دہشتگروں کو تفتیش کے لیے نامعلوم مقام پر منتقل کر دیا گیا۔

ذرائع کے مطابق دوران تفتیش گرفتار دہشتگردوں اور سہولت کاروں نے مختلف دہشت گردانہ کارروائیوں کا اعتراف بھی کر لیا ،گرفتار دہشتگردوں سے ملنے والی معلومات کے بعد مزید گرفتاریاں بھی متوقع ہیں،گرفتار ہونیوالے بیشتر دہشت گرد کرک، ہنگو، کرم اور ٹل کے مدارس میں پڑھتے تھے۔

ذرائع کے مطابق سکیورٹی حکام نے والدین سے اپیل کی ہے کہ بچوں کو مدارس میں داخل کرتے وقت چھان بین کے بعد مدارس کا انتخاب کریں۔ یاد رہے کہ رواں سال اب تک شمالی وزیرستان میں دہشت گردوں کے 28 سہولت کار گرفتار کیے جا چکے ہیں۔