وزیر اعظم شہباز شریف کا نیپال میں فضائی حادثے میں جانی نقصان پر گہرے دکھ کا اظہار

اسلام آباد۔:وزیر اعظم محمد شہباز شریف نے نیپال کےشہر پوکھرا میں فضائی حادثے میں جانی نقصان پر گہرے افسوس اور رنج کا اظہارکیا ہے۔

اتوار کو وزیر اعظم کے میڈیا ونگ سے جاری بیان میں وزیر اعظم نے کہا کہ مشکل اور غم کے اس وقت میں، ہماری ہمدردی اور دعائیں نیپال کی حکومت , متاثرہ خاندانوں اور نیپال کے عوام کے ساتھ ہیں،اللہ تعالیٰ لواحقین کو صبر کے ساتھ صدمہ برداشت کرنے کی ہمت عطا فرمائے۔