پاکستان بھنور سے نکل آیا، آئی ایم ایف کی تمام شرائط پوری کردیں:اسحاق ڈار

اسلام آباد: وفاقی وزیر خزانہ سینیٹر اسحاق ڈار نے کہا ہے پاکستان نے آئی ایم ایف کی تمام شرائط پوری کر دی ہیں اور ٹیکنیکل بھی مکمل ہوگئی ہیں، پاکستان بھنور سے نکل آیا ہے جبکہ 6 ماہ کی قلیل مدت میں گیارہ ارب ڈالر کی بیرونی ادائیگی بروقت کی ہے۔ گزشتہ روز مدینہ منورہ میں پارٹی ایونٹ سے خطاب کرتے ہوئے اسحاق ڈار کا کہنا تھا ملک کو ڈیفالٹ کروانے والے اور سری لنکا کا دیکھنے والوں کو شرمندگی ہوئی ہے۔

اسحاق ڈار نے اپنے بیان میں کہا 1998 ایٹمی دھماکے کہ بعد اب دوسرا مشکل ترین دور تھا، پچھلی حکومت نے جو معاشی تباہی کی تھی اور ڈیفالٹ کہ دہانے پہنچا دیا تھا جسکا برملا اظہار ان کہ مشیر خزانہ اور دوسری سینئر قیادت کر چکی تھی۔ سابق آرمی چیف قمر جاوید باجوہ نے خود اقرار کیا کہ اگر عمران خان کی حکومت مزید چند ماہ رہتی تو ملک ڈیفالٹ ہو جاتا۔ موجودہ حکومت نے اقتدار مشکل وقت لیا اور ووٹ کی بجائے ملک بچانے کو ترجیح دی، وہ ہم نے بہترین حکمت عملی سے بحران سے نکل آئے ہیں سمت اور منزل کا تعین ھو چکا ہےجبکہ ہم نے126 دن کا دھرنا اور دوسرا فیض آباد / راولپنڈی کا دھرنا بھی برداشت کیا تھا۔

وزیر خزانہ نے مسلم لیگ ن کی مختلف اورسیز تنظیموں سے جن میں مسلم لیگ ن اور جاپان کویت اور سعودی عرب کہ سینئرعہدیدران سے خطاب کرتے ہوئے مزید کہا نواز شریف کو سازش پانامہ کیس سے شروع کر کہ اقامہ پر نکالا۔ جو مقدمات دبائو پر بنائے اور دباو پر فیصلے کروانے والی طاقتیں بھی اقرار چکی ہیں ھم نے چہیتے کی حکومت بنانے کہ لئے جو جتن کا آغاز 2011 کا مینار پاکستان سے شروع کیا تھا جس کو یہودی لابی نے Adoptکیا تھا جو ملک کی سالمیت کہ خطرہ بن گیا تھا اسکا خمیازہ پوری قوم نے بھگتا ہے۔

انہوں نے کہا نواز شریف نصیبوں کا بادشاہ ہے جس نے اپنا فیصلہ اﷲ پر چھوڑ دیا تھا اور ملک کی تاریخ میں تمام قوتیں بے نقاب ہو چکی ہیں ۔وزیر خزانہ اسحق نے دنیا بھر میں مقیم پاکستانیوں سے کہا ہے کہ وہ حکومت کی کامیابی کےلیے دعا کریں، پاکستان کو جلد معاشی بحران سے نکال لیں گے۔

اس موقع پر ن لیگ جاپان کے چیئرمین ملک یونس نے اسحق ڈار کو یقین دہانی کرائی کہ وہ نہ صرف جاپان بلکہ دنیا بھر میں ن لیگی کارکنوں پر زور دیں گے کہ وہ زیادہ سے زیادہ زرمبادلہ قانونی طریقے سے پاکستان بھیجیں۔اس موقع پر ن لیگ پنجاب کے رہنما رانا مشہود سے بھی ن لیگ جاپان کے وفد سے ملاقات کی اور دینی اور سیاسی معاملات پر گفتگو کی۔علاوہ ازیں ایک ٹویٹ میں وفاقی وزیرخزانہ ومحصولات سینیٹر محمد اسحاق ڈار نے کہاکہ مارچ میں حسابات جاریہ کے کھاتوں کا توازن خسارہ کی بجائے فاضل ہو گیا ہے۔ اپنے ایک ٹویٹ میں وزیرخزانہ نے کہا کہ حسابات جاریہ کے کھاتوں کا توازن مارچ میں 654 ملین ڈالر فاضل رہا۔فروری 2023 میں یہ 36 ملین ڈالر کے خسارہ میں تھا۔