پاکستان میں سرمایہ کاری کے وسیع مواقع موجود ہیں:صادق سنجرانی

پاکستان اور سعودی عرب متعدد علاقائی اور عالمی امور پر ہم آہنگی رکھتے ہیں ‘چیئرمین سینیٹ

اسلام آباد:چیئرمین سینیٹ صادق سنجرانی سے سعودی عرب کے سفیر نواف بن سعید احمد المالکی کی ملاقات ہوئی ہے، ملاقات میں باہمی دلچسپی کے امور سمیت دوطرفہ تعلقات کو مزید مستحکم بنانے اور علاقائی ترقی بارے تبادلہ خیال کیا گیا۔

ملاقات میں دونوں برادر ممالک کے درمیان مضبوط اور تاریخی تعلقات کا اعادہ کیا گیا جبکہ دونوں ممالک کے مابین اقتصادی اور معاشی تعاون کو مزید بڑھانے پر بھی اتفاق ہوا۔

چیئرمین سینیٹ صادق سنجرانی نے کہا کہ پاکستان سعودی عرب کے ساتھ اپنے تعلقات کو انتہائی قدر کی نگاہ سے دیکھتا ہے، مختلف بین الاقوامی فورمز پر برادر ملک سعودی عرب کا پاکستان کے مقف کی حمایت پر شکریہ ادا کرتے ہیں۔