پاک بحریہ نے سمندر میں ڈوبتی ماہی گیر لانچ کو بچالیا

گوادر: گوادر کے سمندر میں ڈوبتی لانچ کو پاکستان نیوی کے اہلکاروں نے بچالیا۔

 گوادر جیٹی کے قریب سمندر میں ماہی گیروں کی لانچ میں دھات کا نوکیلا ٹکرا لگنے کے باعث سوراخ ہو گیا۔

سوراخ کے باعث لانچ کے اندر سمندر کا پانی تیزی سے جمع ہونا شروع ہوگیا۔

 پاکستان نیوی کے اہلکاروں نے مسلسل کئی گھنٹے کی کوششوں کے بعد لانچ کے سوراخ کو بند کر کے لانچ اور اس میں سوار عملے کو بچالیا۔