پٹرول قیمت بڑھانے کا ارادہ نہیں:مصدق ملک

اسلام آباد: وزیرمملکت برائے پٹرولیم ڈاکٹرمصدق ملک نے پٹرولیم مصنوعات کی قیمتوں سے متعلق سوشل میڈیا پر جاری قیاس آرائیوں پر ردعمل دیتے ہوئے کہا ہے کہ ابھی حکومت کا پٹرولیم مصنوعات کی قیمتیں بڑھانےکا کوئی ارادہ نہیں ،تیل کی قیمت اپنے مقررہ وقت پر ہی طے ہوگی۔

حکومت نے عوام پر ایل پی جی بم گرا دیا، 60 روپے فی کلوگرام اضافہ

پریس کانفرنس کے دوران مصدق ملک نے کہا کہ ملک میں20دن کاپٹرول اور29دن کاڈیزل موجودہے، پٹرولیم مصنوعات کی قیمتوں کا تعین مارکیٹ سے ہوگا،کچھ لوگ پٹرول ذخیرہ کررہے ہیں، ابھی بھی وقت ہے پٹرول ذخیرہ کرنے والے رُک جائیں۔

پٹرولیم مصنوعات ذخیرہ کرنے والوں کا لائسنس کینسل کردیں گے، ریاست قدم اٹھائے گی تو پھر آپ لوگ بیٹھ کر پریس کانفرنس کریں گے۔

وزیرمملکت نے کہا کہ عزت سے روٹی کمانے والوں کے حق پر ڈاکا ڈالاجارہا ہے، چند لوگ ہیراپھیری میں ملوث ہیں،باقی توعزت دارلوگ ہیں، ذخیرہ اندوزوں کےمتعلق قرآن میں جوکہا گیا اس مرتبہ وہ ہوگا۔

روس سے تیل خریداری کے معاملات مارچ کے آخر تک طے ہو جائیں گے اور امید ہے کہ اپریل سے ملک میں روس سے تیل آنا شروع ہو جائے گا۔

ملک میں چند روز قبل بجلی بریک ڈاؤن کے حوالے سے سوال پرمصدق ملک نے کہا بجلی بریک ڈاؤن کی وجوہات پرکام مکمل کر لیا ، دو دن میں رپورٹ وزیراعظم کو پیش کر دوں گا۔