پی ڈی ایم سربراہ مولانا فضل الرحمٰن نیشنل گرینڈ ڈائیلاگ کے مخالف

اسلام آباد : پی ڈی ایم کے سربراہ مولانا فضل الرحمٰن نے نیشنل گرینڈ ڈائیلاگ کی مخالفت کر دی۔ذرائع کے مطابق مولانا فضل الرحمٰن کے نزدیک نیشنل گرینڈ ڈائیلاگ غیر ضروری ہیں۔

سربراہ پی ڈی ایم کے گرینڈ ڈائیلاگ کے حوالے سے موقف پر پیپلز پارٹی نے افسوس کا اظہار کرتے ہوئے کہا کہ مولانا فضل الرحمٰن کے سخت موقف پر شدید تحفظات ہیں، پی پی وفد نے قیادت کو معاملے سے آگاہ کر دیا ہے۔

پیپلز پارٹی قیادت کا موقف ہے کہ وہ نیشنل گرینڈ ڈائیلاگ سے کسی طور پیچھے نہیں ہٹے گی۔ ملک کو بحران سے نکالنے کا واحد راستہ نیشنل گرینڈ ڈائیلاگ ہیں۔ سیاسی صورتحال کے پیش نظر نیشنل گرینڈ ڈائیلاگ ناگزیر ہیں۔

سیاست میں مذاکرات کے دروازے بند نہیں کئے جا سکتے۔پیپلز پارٹی کے ذرائع نے بتایا کہ سیاست میں آج کے حریف کل کے حلیف ہوتے ہیں، انتخابات سے ہمیشہ کیلئے فرار حاصل نہیں کیا جا سکتا۔ مذاکرات کے معاملے پر مسلم لیگ ن کے رویہ میں نمایاں لچک آئی ہے، ہمیں مولانا فضل الرحمٰن سے قومی مذاکرات کی مخالفت کی توقع تھی۔