چارسال کے دوران سندھ میں ایڈز سے 324 بچے جاں بحق

کراچی :محکمہ صحت سندھ نے انکشاف کیا ہے کہ صوبے میں ایچ آئی وی سے متاثر 324 بچے جاں بحق ہوگئے،صوبائی وزارت صحت کے مطابق گزشتہ 1 سال کے دوران ایچ آئی وی سے متاثرہ 164 جبکہ مجموعی طورپر4 سال میں 324 بچے جاں بحق ہوئے،محکمہ صحت کا کہنا ہے کہ گزشتہ 4 سال میں ایچ آئی وی سے متاثرہوکرجاں بحق بچوں میں 207 لڑکے جبکہ 117 لڑکیاں شامل ہیں۔

محکمہ صحت کے اعداد و شمار کے مطابق صوبے بھرمیں ایچ آئی وی سے متاثرہ بچوں کی تعداد 2865 ہوچکی ہے جن میں سے گزشتہ 2 ماہ کے دوران 17 مزید بچے ایچ آئی وی سے متاثر ہوئے.

ڈاکٹر فاطمہ میرکا کہنا ہے کہ سندھ میں ایچ آئی وی سے متاثرہ بچوں کے مرنے کی بڑی وجہ ٹی بی تھی جبکہ ان بچوں میں خون کی کمی اورویکسی نیشن نہ ہونا عام ہے اسکے علاوہ ان بچوں میں ہیپاٹائٹس بی اورسی بھی عام ہے۔