کراچی:عالمی ماہرین چڑیا گھرمیں ہتھنیوں کا معائنہ کرینگے

کراچی: کراچی کے چڑیا گھر میں ہتھنی کی بگڑی صحت کے معاملے پربین الاقوامی تنظیم فارپازکی ٹیم اگلے ہفتے کراچی پہنچے گی،جانوروں کی دیکھ بھال کی تنظیم فارپاز کی ویٹرنری ڈاکٹرکیٹی ویلچ نے کہا ہے کہ کراچی آنیکا مقصد چڑیا گھرمیں موجود ہتھنی نورجہاں کی بگڑتی حالت ہے،کراچی چڑیا گھرکی دونوں ہتھنیوں کا معائنہ کیا جائیگا۔

پھردیکھیں گے کہ کیا اقدامات کرنے ہیں،دوسری جانب چڑیا گھرکے ذرائع نے بتایا کہ ہتھنی نورجہاں انفیکشن کا شکارہے،گزشتہ ماہ یہ بات بھی سامنے آئی تھی کہ نورجہاں کی جان کو بھی خطرہ لاحق ہوگیا ہے،ہتھنی کے جوڑوں میں تکلیف پردی جانے والی ادویات نے اس کی حالت مزید خراب کردی۔