کورونا:جاپان میں مزید87،روس میں39اموات

اسلا م آباد ،لاہور: کورونا کی مہلک وباسے پاکستان میں مزید کوئی فردجاں بحق نہیں ہوااور اموات کی مجموعی تعداد30643ہی رہی جبکہ جاپان میں کورونا سے مزید87افراد چل بسےاور 11506نئے مریض سامنے آگئے،141مریضوں کی جان کو شدید خطرہ لاحق ہے۔نیشنل کمانڈ اینڈ آپریشن سنٹر ،وزارت قومی صحت اورنیشنل انسٹیٹیوٹ آف ہیلتھ کے مطابق گزشتہ 24گھنٹوں کے دوران ملک بھر میں4580افراد کے کورونا وائرس ٹیسٹ کئے گئے۔

مثبت کیسز کی مجموعی شرح 0.70فیصد ہوگئی۔ کورونا کے32نئے مریض رپورٹ ہوئے اور فعال کیس 7699ہوگئے،12مریضوں کی حالت انتہائی تشویشناک ہے۔کورونا وائرس کےفیصل آباد سے 2 ، سرگودھا سے2،لاہور سے11اور اسلام آباد سے5نئے مریض سامنے آئے۔ عالمی وبا سےدنیا بھرمیں ہلاکتیں68لاکھ2ہزار سےزائد ہو گئیں۔روس میں مزید39افرادہلاک ہوگئے اور 14096نئے مریض سامنے آگئے۔تائیوان میں مزید35اموات اور14103نئے کیس رپورٹ ہوئے۔پولینڈمیں مزید26افرادہلاک ہوگئے اور 3036نئے مریض سامنے آگئے۔