اسلا م آباد ،لاہور: کورونا کی مہلک وباسے پاکستان میں مزید ایک فردجاں بحق ہوگیا اور اموات کی تعداد30657ہوگئی۔نیشنل کمانڈ اینڈ آپریشن سنٹر ،وزارت قومی صحت اورنیشنل انسٹیٹیوٹ آف ہیلتھ کے مطابق گزشتہ 24گھنٹوں کے دوران ملک بھر میں کورونا وائرس کے2543ٹیسٹ کئے گئے اور مثبت کیسز کی شرح 0.90فیصد رہی۔
کورونا کے23نئے مریض رپورٹ ہوئے اور فعال کیس 11282ہوگئے،9مریضوں کی حالت انتہائی تشویشناک ہے۔عالمی وبا سےدنیا بھرمیں ہلاکتیں68لاکھ62ہزار6سوسےزائد ہو گئیں۔روس میں مزید31افرادہلاک ہوگئے اور 6548نئے مریض سامنے آگئے۔
جاپان میں مزید34مریض چل بسے اور 11428نئے سامنے آگئے۔انڈونیشیامیں مزید37مریض موت کا شکار بن گئے اور 2067نئے رپورٹ ہوئے۔جنوبی کوریا میں مزید11اموات ہوئیں اور13791نئے مریض سامنے آگئے۔