اسلا م آباد ،لاہور،نئی دہلی : کورونا کی مہلک وباسے پاکستان میں مزید کوئی فردجاں بحق نہیں ہوا اور اموات کی تعداد30656ہی رہی۔نیشنل کمانڈ اینڈ آپریشن سنٹر ،وزارت قومی صحت اورنیشنل انسٹیٹیوٹ آف ہیلتھ کے مطابق گزشتہ 24گھنٹوں کے دوران ملک بھر میں کورونا کے17نئے مریض رپورٹ ہوئے اور فعال کیس 11242ہوگئے،11مریضوں کی حالت انتہائی تشویشناک ہے۔
عالمی وبا سےدنیا بھرمیں ہلاکتیں68لاکھ60ہزارسےزائد ہو گئیں۔روس میں مزید34افرادہلاک ہوگئے اور 5458نئے مریض سامنے آگئے۔جاپان میں مزید13مریض چل بسے اور 4091نئے سامنے آگئے۔رومانیہ میں مزید46مریض چل بسے اور 5032نئے رپورٹ ہوئے۔
بھارت میں کورونا وائرس ایک بارپھر تیزی سے پھیل رہاہے او 10112نئے مریض رپورٹ ہوئے ہیں جبکہ مزید 29 اموات ہوئی ہیں ، وبا سے مرنیوالوں کی مجموعی تعداد بڑھ کر 531329ہو گئی۔