کورونا:لاہور کے10 سمیت 21نئے مریض،7 کو خطرہ لاحق

اسلا م آباد ،لاہور: کورونا کی مہلک وباسے پاکستان میں مزید کوئی فردجاں بحق نہیں ہوا اور اموات کی تعداد30657ہی رہی۔نیشنل کمانڈ اینڈ آپریشن سنٹر ،وزارت قومی صحت اورنیشنل انسٹیٹیوٹ آف ہیلتھ کے مطابق گزشتہ 24گھنٹوں کے دوران ملک بھر میں کورونا وائرس کے1780ٹیسٹ کئے گئے اور مثبت کیسز کی شرح 1.18فیصد رہی۔ کورونا کے21نئے مریض رپورٹ ہوئے اور فعال کیس 11435ہوگئے،7مریضوں کی حالت انتہائی تشویشناک ہے۔

لاہور میں 341میں سے10 افراد کے کورونا ٹیسٹ مثبت آئے اور کیسز کی شرح 2.93 فیصد رہی، اسلام آباد میں 103 میں سے ایک ٹیسٹ مثبت آیا اور شرح 0.97فیصد رہی جبکہ گلگت میں 314 میں سے 3 افراد کے ٹیسٹ مثبت آئے اور شرح 0.96فیصد رہی۔عالمی وبا سےدنیا بھرمیں ہلاکتیں68لاکھ67ہزار7سوسےزائد ہو گئیں۔

روس میں مزید33افرادہلاک ہوگئے اور 3214نئے مریض سامنے آگئے۔جاپان میں مزید27مریض چل بسے اور 16631نئے سامنے آگئے۔انڈونیشیامیں مزید25مریض موت کا شکار بن گئے اور 2647نئے رپورٹ ہوئے۔جنوبی کوریا میں مزید8اموات ہوئیں اور 20197نئے مریض سامنے آگئے۔