کورونا:لاہور کے18سمیت37نئے مریض،13کی حالت نازک

اسلا م آباد ،لاہور: کورونا کی مہلک وباسے پاکستان میں مزید کوئی فردجاں بحق نہیں ہوااور اموات کی مجموعی تعداد30643ہی رہی جبکہ جاپان میں کورونا سے مزید99افراد چل بسےاور 13950نئے مریض سامنے آگئے،160مریضوں کی جان کو شدید خطرہ لاحق ہے۔

نیشنل کمانڈ اینڈ آپریشن سنٹر ،وزارت قومی صحت اورنیشنل انسٹیٹیوٹ آف ہیلتھ کے مطابق گزشتہ 24گھنٹوں کے دوران ملک بھر میں4831افراد کے کورونا وائرس ٹیسٹ کئے گئے۔

مثبت کیسز کی مجموعی شرح 0.77فیصد ہوگئی۔

کورونا کے37نئے مریض رپورٹ ہوئے اور فعال کیس 7667ہوگئے،13مریضوں کی حالت انتہائی تشویشناک ہے۔

کورونا وائرس کےفیصل آباد سے ایک ، کراچی سے2،لاہور سے18اور اسلام آباد سے4نئے مریض سامنے آئے۔

عالمی وبا سےدنیا بھرمیں ہلاکتیں68لاکھ5سو سےزائد ہو گئیں۔ روس میں مزید37افرادہلاک ہوگئے اور 13438نئے مریض سامنے آگئے۔تائیوان میں مزید27اموات اور12212نئے کیس رپورٹ ہوئے۔