کورونا :جاپان 141،تائیوان میں 78افرادموت کا شکار

اسلا م آباد ،لاہور :کورونا کی مہلک وباسے پاکستان میں مزید کوئی فردجاں بحق نہیں ہوااور اموات کی مجموعی تعداد30641ہی رہی جبکہ جاپان میں کورونا سے مزید141افراد چل بسےاور 18606نئے مریض سامنے آگئے۔232مریضوں کی جان کو شدید خطرہ لاحق ہے۔

نیشنل کمانڈ اینڈ آپریشن سنٹر ،وزارت قومی صحت اورنیشنل انسٹیٹیوٹ آف ہیلتھ کے مطابق گزشتہ 24گھنٹوں کے دوران ملک بھر میں4978افراد کے کورونا وائرس ٹیسٹ کئے گئے۔ مثبت کیسز کی مجموعی شرح 0.74فیصد ہوگئی۔

کورونا کے37نئے مریض رپورٹ ہوئے اور فعال کیس 7311ہوگئے،11مریضوں کی حالت تشویشناک ہے۔

عالمی وبا سےدنیا بھرمیں ہلاکتیں67لاکھ88ہزار1سو سےزائد ہو گئیں۔جنوبی کوریا میں مزید28افراد چل بسے اور 11436نئے مریض سامنے آگئے ۔
روس میں مزید38افرادہلاک ہوگئے اور 15359نئے مریض سامنے آگئے۔آسٹریلیا میں مزید27اموات اور 2185نئے کیس سامنے آگئے۔تائیوان میں مزید78افرادہلاک ہوگئے اور 15440نئے مریض رپورٹ ہوئے۔