کورونا:42نئے مریض،لاہور میں23،کراچی میں8رپورٹ

اسلا م آباد ،لاہور: کورونا کی مہلک وباسے پاکستان میں مزید کوئی فردجاں بحق نہیں ہوااور اموات کی مجموعی تعداد30643ہی رہی جبکہ جاپان میں کورونا سے مزید67افراد چل بسےاور 10522نئے مریض سامنے آگئے،130مریضوں کی جان کو شدید خطرہ لاحق ہے۔

نیشنل کمانڈ اینڈ آپریشن سنٹر ،وزارت قومی صحت اورنیشنل انسٹیٹیوٹ آف ہیلتھ کے مطابق گزشتہ 24گھنٹوں کے دوران ملک بھر میں5160افراد کے کورونا وائرس ٹیسٹ کئے گئے۔

مثبت کیسز کی مجموعی شرح 0.81فیصد ہوگئی۔ کورونا کے42نئے مریض رپورٹ ہوئے اور فعال کیس 7741ہوگئے،8مریضوں کی حالت انتہائی تشویشناک ہے۔

کورونا وائرس کےکراچی سے8،لاہور سے23اور اسلام آباد سے5نئے مریض سامنے آئے۔عالمی وبا سےدنیا بھرمیں ہلاکتیں68لاکھ3ہزار3سو سےزائد ہو گئیں۔

روس میں مزید40افرادہلاک ہوگئے اور14516نئے مریض سامنے آگئے۔تائیوان میں مزید62اموات اور13813نئے کیس رپورٹ ہوئے۔پولینڈمیں مزید17افرادہلاک ہوگئے اور 3291نئے مریض سامنے آگئے۔