گورنر ہاؤس میں افطاری کرائی جائے گی: ٹیسوری

کراچی: گورنر سندھ کامران ٹیسوری نے شہریوں کے لیے رمضان المبارک میں افطار کرانے کا فیصلہ کیا ہے۔

گورنر سندھ کامران ٹیسوری کا کہنا ہے کہ پورے رمضان ایک لاکھ شہریوں کو افطار کرانے کا پلان ہے، روزانہ کی بنیاد پر پانچ ہزار شہریوں کے لیے افطار کا اہتمام کیا جائے گا۔

انہوں نے کہا کہ رمضان المبارک میں روزانہ کی بنیاد پر شہریوں کی افطار کا اہتمام کیا جائے گا، سڑکوں پر افطار کرنے والے شہری گورنر ہائوس میں آکر افطار کرسکیں گے۔

کامران ٹیسوری کا مزید کہنا تھا کہ جو فیملیز گورنر ہائوس میں افطار کرنا چاہیں انکے لیے بھی گورنر ہائوس کے دروازے کھلے ہوں گے۔