ہیڈکوچ گلیڈی ایٹرز کی کپتان سرفراز احمد پر تنقید

راولپنڈی: پاکستان سپر لیگ کے سیزن فور کی فاتح ٹیم کوئٹہ گلیڈی ایٹرز کے ہیڈکوچ معین خان نے کپتان سرفراز احمد کو تنقید کا نشانہ بناڈالا۔ معین خان نے سرفراز احمد کو آڑے ہاتھوں لیتے ہوئے کہا کہ مسلسل دو سالوں سے پاکستان کے ٹی20 سکواڈ میں کم بیک کی کوشش کررہے ہیں لیکن انہیں ٹیم میں جگہ بنانے کیلئے تیز کھیلنا پڑے گا۔

کیونکہ رضوان نے اپنی پوزیشن تقریباً پکی کرلی ہے۔ انہوں نے اعتراف کیا کہ ریلی روسو کو ریلیز کرنا بھی بڑی غلطی تھی، جس کا مجھے افسوس ہے ۔معین خان نے کہا کہ اعظم خان کو رواں سیزن میں اس لیے ریلیز کیا کہ کپتان کی بطور کیپر موجودگی کے باعث انکی جگہ نہیں بن رہی تھی ۔