پودوں کی پرورش نسلوں کیلئے ناگزیر ہے:سید اسد عمران

بھکر: پودوں کی پرورش نسلوں کیلئے ناگزیر ہے بارشوں و سیلابوں سے بچاؤ کیلئے شجرکاری آخری حل ہے ان خیالات کا اظہار ڈویژنل فاریسٹ آفیسر محکمہ جنگلات بھکر سید اسد عمران نے صحافیوں سے ایک ملاقات کے دوران گفتگو کرتے ہوئے کیا انہوں نے بتایا کہ درخت لگانا صدقہ جاریہ اور دنیا بھر کی موسمیاتی تبدیلی کے اثرات سے بچانے کیلئے لازمی ہے۔

پاکستان میں جنگلات کی کٹائی کی وجہ سے ہمارے ملک میں نئے پودے لگانا آئندہ نسلوں کی بقاء کا ذریعہ ہے اس لیے ہر شہری کو چاہیے کہ اپنے گھروں کے احاطوں میں اور اپنی زمینوں پر زیادہ سے زیادہ درخت لگائے تاکہ ماحولیاتی آلودگی کا خاتمہ یقینی ہو اور ہمارا ملک سرسبز وشاداب بن سکے۔