حکومت کا مفت آٹا تقسیم کرنے کا اقدام قابل تحسین:بلیغ الرحمن
Share
لاہور: گورنر پنجاب بلیغ الرحمن سے گجرات سے تعلق رکھنے والے سابق ممبر صوبائی اسمبلی حاجی ناصر محمود کی قیادت میں وفد نے ملاقات کی۔وفد میں سابق ایم پی اے حاجی عمران، گوجرانوالہ سے سابق ایم پی اے چودھری اقبال گجر اور دیگر شامل تھے۔
اس موقع پر گفتگو کرتے ہوئے گورنر پنجاب نے کہا کہ عوامی فلاح و بہبود حکومت کی اولین ترجیح ہے جس کے لئے تمام تر وسائل کو یقینی بنایا جارہا ہے۔انہوں نے کہا کہ وزیراعظم کا کم وسیلہ لوگوں کے لئے رمضان المبارک میں رمضان پیکیج کے تحت مفت آٹا تقسیم کرنے کا اقدام قابل تحسین ہے۔
گورنر پنجاب نے کہا کہ ملک کو اس وقت معاشی سمیت مختلف چیلنجز کا سامنا ہے جس سے نمٹنے کے لئے حکومت بھر پور کوشش کررہی ہے۔ انہوں نے صوبائی ممبران سے کہاکہ وہ عوام سے رابطے میں رہ کر خدمت کا سفر جاری رکھیں۔ گورنر پنجاب نے کہا کہ سیاست عوامی خدمت کا نام ہے۔ اْنہوں نے کہا کہ وزیر اعظم محمد شہباز شریف کی قیادت میں ہمارا ہر قدم ملک و قوم کی ترقی،خوشحالی اور بہتری کی جانب اٹھ رہا ہے۔