ببو برال کی بارہویں برسی16اپریل کو منائی جائے گی

لاہور: معروف کامیڈین ببو برال کی بارہویں برسی16اپریل کو منائی جائے گی۔ پاکستان کے سٹیج، ٹی وی اور فلم کے مقبول مزاحیہ اداکار ببو برال اصل نام ایوب اختر تھا۔

ببو برال نے سنہ 1982 میں گوجرانوالہ سے اپنی فنی زندگی کا آغاز کیا اور کچھ عرصہ کے بعد لاہور منتقل ہوگئے ۔ببو برال ابتدا میں ون مین شو کیا کرتے تھے تاہم انہیں اسٹیج ڈرامے شرطیہ مٹھےسے ملک گیر شہرت حاصل ہوئی۔

تین عشروں پر محیط فنی زندگی میں ببو برال نے اداکاری کے علاوہ سٹیج ڈرامے لکھے اور ہدایات کاری بھی کی۔ایوب اختر المعروف ببو برال کو زندگی کے آخری ایام میں جگر کے کینسر، گردوں اور شوگر کے امراض کا سامنا تھا۔جس کے باعث وہ 52برس کی عمر میں طویل علالت کے بعد 16اپریل 2011 کو لاہور کے مقامی ہسپتال میں انتقال کرگئے۔