جاوید اختر کے پاکستان مخالف بیان سے لاعلم تھا: علی ظفر
Share
لاہور: بھارتی مصنف، شاعر اور نغمہ نگار جاوید اختر نے فیض فیسٹیول کے دوران پاکستان سے متعلق متنازع گفتگو کی تھی جس کے بعد سے وہ سوشل میڈیا پر تنقید کی زد میں ہیں۔
سوشل میڈیا صارفین کی جانب سے جاوید اختر کیلئے عشائیہ رکھنے پر علی ظفر کو بھی تنقید کا نشانہ بنایا جارہا تھا جبکہ اب انہوں نے اس حوالے سے وضاحت پیش کی ہے۔
علی ظفر نے انسٹاگرام سٹوری میں لکھا میں فیض میلہ میں شریک نہیں ہوا تھا لہٰذا مجھے علم نہیں اس میں کیا کہا گیا، مجھے اس کا ایک دن بعد پتہ چلا جب میں نے سوشل میڈیا دیکھا،مجھے پاکستانی ہونے پر فخر ہے اور کوئی بھی پاکستانی اپنے وطن کیخلاف کہے گئے الفاظ نہیں سنے گا،اس قسم کے حساس الفاظ سے ہمارے جذبات مجروح ہوئے۔دریں اثناء گلوکار علی ظفر اور اداکارہ عفت عمر کے درمیان سوشل میڈیا پر بحث چھڑ گئی۔
علی ظفر نے ٹوئٹر پر کہا عفت عمر خبر رساں اداروں کو عدالتی کارروائی کی خبریں شائع کرنے سے روک رہی ہیں اور منتظمین سے میری خدمات حاصل نہ کرنے کا مطالبہ بھی کر رہی ہیں،بس بہت ہوگیا! میں آپکےغیر مہذب رویے اور ہراساں کرنے کے ہتھکنڈوں پر تقریباً5 سال سے خاموش ہوں کیونکہ میں آپکے شوہر اور خاندان کا احترام کرتا ہوں لیکن اگر آپ باز نہ آئیں تو میں آپکی وہ تمام ویڈیوز پوسٹ کر دوں گا جن کا آپکو عدالت میں سامنا کرنا پڑا، وہ چیزیں جو ریکارڈ کا حصہ ہیں،ایسا لگتا ہے آپکے پاس لوگوں کو گالیاں دینے، لوگوں پر بہتان لگانے کے علاوہ کوئی کام نہیں لیکن وقت بدل گیا ہے۔عفت عمر نے جواب دیتے ہوئے کہا کیا تم جھوٹ بولنا چھوڑ دو گے؟ تمہارے خلاف کونسی مہم؟ تم ہو کون ؟ عدالت میں ثابت کرو اور ہاں بہت ہو گیا۔