شان کی بیٹی بہشت کا دادی نیلو بیگم کی طرح بننے کا عزم
Share
لاہور: سینئر اداکار، ہدایت کار اور پروڈیوسر شان شاہد کی بیٹی بہشت شان نے اپنی دادی اور ماضی کی مایاناز اداکارہ ’نیلو بیگم‘ کی طرح بننے کی خواہش کا اظہار کیا۔
سوشل میڈیا پر وائرل ایک ویڈیو میں بلاگر نے بہشت شان سے انٹرویو لیتے ہوئے سوال کیا کہ ان کا تعلق ملک کے مایاناز فنکاروں کے خاندان سے ہے تو وہ اپنے دادا، دادی اور والد میں سے کس کو آئیڈیلائز کرتی ہیں اور کس کی طرح بننا چاہتی ہیں۔
بلاگر کے سوال پر بہشت شان شاہد نے لمحہ بھر سوچے بغیر اپنی دادی اور رومانس کی ملکہ نیلو بیگم کا نام لیا اور کہا کہ میری نظر میں ان سے بہتر کوئی نہیں ہے۔
میں ان کے جیسی اداکارہ تو نہیں بن سکتی لیکن کوشش ہوگی کہ اداکاری کے میدان میں ان کے قریب تک پہنچ سکوں ۔