ثانیہ مرزا نے’’انسپریشنل آئیکون ایوارڈ‘‘ اپنے نام کرلیا

ممبئی : عالمی شہرت یافتہ بھارتی ٹینس سٹار ثانیہ مرزا نے ’ سپورٹس سٹار ایسز انسپائریشنل آئیکون ایوارڈ‘ اپنے نام کرلیا۔

ثانیہ مرزا نے فوٹو اینڈ ویڈیو شیئرنگ ایپ انسٹاگرام پر اپنی چند نئی تصاویر اور ایک ویڈیو بھی شیئر کی ۔وہ ان تصاویر میں ممبئی میں منعقد کی گئی ایوارڈز کی ایک تقریب میں سابق بھارتی کرکٹر سنیل گواسکر سے ایوارڈ وصول کرتے ہوئے نظر آرہی ہیں ۔

اس پوسٹ میں شیئر کی گئی ویڈیو میں دیکھا جاسکتا ہے کہ ایوارڈز کی تقریب میں ثانیہ مرزا کے 20 سالہ ٹینس کیریئر سے کچھ یاد گار جھلکیاں دکھا کر اُنہیں خراجِ تحسین بھی پیش کیا گیا۔

ثانیہ مرزا نے یہ ایوارڈ وصول کرتے ہوئے کہا کہ اس 20 سال کے طویل سفر کے دوران ہر کوئی اچھے اور برے وقت میں میرے ساتھ رہا ہے لیکن یہ بھی حقیقت ہے کہ اچھی چیزیں بھی ہمیشہ کے لیے زندگی میں نہیں رہتی ہیں ، زندگی کے اس نئے دور کے آغاز پر اس ایوارڈ سے بہتر کوئی تحفہ نہیں ہوسکتا تھا اور اسے سنیل گواسکر کے ہاتھ سے وصول کرنا بھی اعزاز کی بات ہے۔