سعودیہ،برطانیہ کے درمیان دفاعی سمجھوتے پر دستخط

ریاض: سعودی عرب کے وزیر دفاع شہزادہ خالد بن سلمان سے برطانیہ کے وزیر دفاع نے ریاض میں ملاقات کی ہے۔سعودی میڈیا کے مطابق ملاقات میں سٹریٹجک تعلقات، دفاع اور دیگر امور پر تبادلہ خیال کیا گیا۔سعودی میڈیا کے مطابق دونوں ملکوں کے وزرائے دفاع کی ملاقات میں علاقائی اور عالمی مسائل کے حل کی کوششوں پر بھی گفتگو کی گئی۔

اس حوالے سے سعودی میڈیا کا کہنا ہے کہ سعودی عرب اور برطانیہ کے وزرائے دفاع نے فضائی استعداد سے متعلق پروگرام پر دستخط بھی کئے۔ سعودی پریس ایجنسی کے مطابق اس ملاقات کے دوران فیوچرکمبیٹ ایئرسسٹم (ایف سی اے ایس) پروگرام میں سعودی عرب کی شرکت کے حوالے سے ایک سمجھوتے پر دستخط کیے گئے ہیں۔

فیوچرکمبیٹ ایئرسسٹم (ایف سی اے ایس)کا اعلان سب سے پہلے 2017 میں فرانسیسی صدرعمانوایل ماکروں اور اس وقت کی جرمن چانسلر اینجیلامیرکل نے کیا تھا۔اسے 2040 سے یوروفائٹر اور داسالٹ رافیل کی جگہ انسان بردار اور بغیر پائلٹ کے امتزاج پرمبنی طیاروں کی تیاری کے لیے ڈیزائن کیا گیا ہے۔