سوشل میڈیا محبت، بھارتی وکیل دلہن لینے سکھر آگیا

سکھر: سوشل میڈیا پر ہوئی دوستی محبت میں بدل گئی اور اس محبت نے دو ملکوں کے لوگوں کو ایک کردیا۔ بھارتی لڑکا مہندر کمار اپنے اہل خانہ کے ہمراہ اپنی دُلہن لینے سکھر آگیا ۔ دونوں کی شادی کی تقریب سکھرکے مقامی میرج ہال میں دھوم دھام سے ہوئی۔

بھارت سے تعلق رکھنے والا دُولہا مہندر کمار ایڈووکیٹ اور پاکستانی دُلہن سنجوگتا کماری کافی عرصے تک سوشل میڈیا پر دوست رہے۔ دونوں نے شادی کا فیصلہ کیا تو مہندر کمار اپنی دُلہن کو لینے اہل خانہ کے ہمراہ پاکستان پہنچ گئے۔

شادی کی تقریب میں دُولہا دلہن کے عزیز و اقارب اور ہندو برادری کے لوگوں نے بھرپور شرکت کی۔ سنجوگتا کماری اپنے شوہر کے ہمراہ کچھ دنوں میں بھارت چلی جائےگی۔