پنشن اصلاحات پر احتجاج، پیرس میں میکغون کے پسندیدہ کیفے کو آگ لگادی گئی

پیرس: فرانس میں متنازع پنشن اصلاحات کے خلاف پیرس دوبارہ میدان جنگ بن گیا، مظاہرین اور سکیورٹی فورسز کے درمیان جھڑپیں، مشتعل مظاہرین نے فرانسیسی صدر میکغون کے پسندیدہ کیفے سمیت متعدد عمارتوں کو آگ لگا دی۔

کیفے میں لگی آگ بجھانے کے بعد پولیس نے کیفے کے باہر رکاوٹیں ڈال کر سکیورٹی اہلکار تعینات کر دئیے۔ٹریڈ یونین رہنماؤں کا کہنا ہے کہ ہم نے ابھی گھٹنے نہیں ٹیکے نہ ہی ہار ماننے کا کوئی ارادہ ہے، احتجاجی تحریک میں لوگوں کی بڑی تعداد میں شرکت سے مومینٹم برقرار رہے گا۔واضح رہے کہ پنشن اصلاحات کے قانون کے دفاع میں فرانسیسی صدر واضح طور پر کہہ چکے ہیں کہ اصلاحات بہت ضروری تھیں۔