پی ایس ایل 8 کی فاتح ٹیم کیلئے 24 قیراط سونے کی ٹرافی اور 12 کروڑ کا انعام

اہور: پاکستان کرکٹ بورڈ نے پاکستان سپر لیگ (پی ایس ایل) کے آٹھویں ایڈیشن کے لیے انعامی رقم کا اعلان کردیا۔

پی سی بی کا کہنا ہے کہ پی ایس ایل جیتنے والی ٹیم کو 24 قیراط سونے سے بنی ٹرافی کے ساتھ 12 کروڑ روپے کی انعامی رقم بھی دی جائے گی۔

فائنل ہارنے والی ٹیم کو 4 کروڑ 80 لاکھ روپے کی رقم دی جائے گی۔

یاد رہے کہ پی ایس ایل 2022 میں جیتنے والی ٹیم کو 8 کروڑ جبکہ فائنل ہارنے والی ٹیم کو 3 کروڑ 20 لاکھ روپے رقم دی گئی تھی۔

پی ایس ایل کا فائنل میچ اور اختتامی تقریب 19 مارچ کو لاہور میں ہوگی۔