بیجنگ: چین میں ایک خاتون کے کان میں مکڑی نے جال بنا کر رہنا شروع کردیا۔غیرملکی میڈیا کے مطابق خاتون کو کان میں عجیب آوازیں محسوس ہوئیں جس پر وہ ہسپتال گئی تو معلوم ہوا کہ اس کے کان میں مکڑی نے اپنا گھر بنایا ہوا ہے۔
رپورٹس کے مطابق ڈاکٹر نے خاتون کے دائیں کان کے اندر ایک کیمرا داخل کر کے صورتحال کا پتا لگایا اور کان صاف کرنا شروع کیا تو اندر سے ایک مکڑی نکل آئی۔
چینی ڈاکٹر ہان ژنگ لونگ نے بتایا کہ مکڑی کو آخرکار ہٹا دیا گیا۔ مکڑی زہریلی نہیں تھی اور خاتون کے کان کو بس معمولی نقصان پہنچا ہے۔