ای کامرس پلیٹ فارم ’دراز‘ نے ملازمین میں 11 فیصد کمی کردی
Share
اسلام آباد: علی بابا گروپ کے ذیلی ادارے اور ای کامرس پلیٹ فارم دراز گروپ نے مارکیٹ کی موجودہ حقیقت کا سامنا کرنے کی تیاری کیلئے اپنی افرادی قوت میں 11 فیصد کمی کردی۔
غیر ملکی میڈیا کے مطابق اس بات کا اعلان گروپ کے سی ای او بجارک مکلسن نے کمپنی کی ویب سائٹ پر جاری کیے گئے ملازمین کو لکھے گئے خط میں کیا۔
بجارک میکلسن نے فیصلے کی وجہ مارکیٹ کے مشکل ماحول کو قرار دیا۔
انہوں نے یورپ میں جنگ، سپلائی چین میں حائل رکاوٹوں، بڑھتی مہنگائی، بڑھتے ٹیکس اور اس مارکیٹ میں ضروری سرکاری سبسڈیز کے خاتمے کا حوالہ دیا۔
پاکستان کا سب سے بڑا ای کامرس ریٹیل پلیٹ فارم دراز یہاں 2012 میں قائم کیا گیا تھا۔
پلیٹ فارم کو چینی کمپنی علی بابا نے 2018 میں حاصل کیا تھا، دراز کے پلیٹ فارم پر پاکستان میں ایک لاکھ سمال اینڈ میڈیم انٹرپرائزز ہیں۔